Офтоп


Праектам прадугледжана рэканструкцыя нежылога будынка, які знаходзіцца ў гістарычным цэнтры горада Гродна на вул. Віленская, 14, пад адміністрацыйна-гандлёвы будынак. Адна з мэтаў рэканструкцыі — павышэнне прывабнасці і аднаўленне гістарычнага аблічча цэнтра горада Гродна, паведамляе партал hrodna.life.

Фото: hrodna.life

Забудова квартала, дзе месіцца дом, мае першую катэгорыю гісторыка-культурнай каштоўнасці. Пачатак будаўнічых прац запланаваны на бягучы год. Грамадскае абмеркаванне прызначана на 20 верасня.

Замоўцам рэканструкцыі выступае прадпрыемства «Кронаспан» са Смаргоні. Яно выпускае драўляна-валакністыя і стружкавыя пліты, а таксама ламінаваныя пліты для падлогі. У адноўленым будынку мяркуецца размясціць краму гатовай прадукцыі.

Фото: hrodna.life

Галоўны ўваход у будынак арганізаваны з кута вуліцы Віленскай і вуліцы Малая Траецкая, дзе і размяшчаўся гістарычна. Другі ўваход запраектаваны з боку глухога паўночна-заходняга фасада (у прыватнасці для зручнасці загрузкі-разгрузкі тавару) і абсталяваны пандусам. У месцах перападу рэльефу з боку вуліц Віленская і Малая Траецкая прадугледжаны двух’ярусныя крывалінейныя клумбы.

Фото: hrodna.life

Праектам прадугледжана рэканструкцыя будынка з перапланіроўкай памяшканняў у адпаведнасці з новым функцыянальным прызначэннем. На першым паверсе будынка абсталюецца дэманстрацыйная зала. На другім паверсе кабінет спецыялістаў (на 3 асобы), перамоўная (на 7 чалавек), пакой прыёму ежы, санвузлы. На трэцім (мансардным) паверсе два пакоі адпачынку з асобнымі санузламі.

Пазнаёміцца з поўным тэкстам Справаздачы аб ацэнцы ўздзеяння на навакольнае асяроддзе (ОВОС) можна на старонцы гарвыканкама.

Грамадскае абмеркаванне Справаздачы па аб’екту «Рэканструкцыя нежылога будынка па вуліцы Віленскай, 14, г. Гродна пад адміністрацыйна-гандлёвы будынак» адбудзецца 20 верасня ў 11.00 у Гродзенскім гарвыканкаме па адрасу пл. Леніна, 2/1, каб. 15 (2-гі паверх).

Нужные услуги в нужный момент
-70%
-20%
-20%
-25%
-15%
-30%
-70%
-20%