• Экспертиза
  • От застройщика
  • Строительство
  • Аренда
  • Офтоп
  • Деньги
  • Интерьер, дизайн, ремонт
  • Архив новостей
    ПНВТСРЧТПТСБВС
  • ЦЕНА НА КВАРТИРЫ

Офтоп


Руслан Кулевіч, фота аўтара,

У бліжэйшым часе павінны скончыцца працы па рэканструкцыі знешняга выгляду дома па вуліцы Кірава, 3. Нядаўна будаўнікі знялі заслону і паказалі гараджанам рэканструяваны аб’ект.

Фота: Руслан Кулевіч

Нагадаем, стары дом у цэнтры Гродна з 2008 года прастойваў і толькі ў канцы 2015 года горад яго прадаў на аўкцыёне. Уладальнікам стала арганізацыя «Нёманбудiнвест». Падрадчыкам стаў «Гроднажылбуд».

Пасля даследаванняў дома, спецыялісты будаўнічай арганізацыі прыйшлі да высновы, што старая пабудова ў аварыйным стане і калі чакаць далей, то будынак можна будзе страціць цалкам. У выніку ад старога дома пакінулі толькі фасад, які пазней у некаторых месцах сам абваліўся.

Фота: Руслан Кулевіч

Праз восем месяцаў будаўнікі падыходзяць да завяршэння рэканструкцыі знешняга выгляду дома. Унутранай аддзелкай будуць займацца арандатары.

Адрэканструяваны двухпавярховы дом плошчай 730 квадратных метраў разлічаны на 10 офісаў і гандлёвыя памяшкання. Ва ўнутраным дворыку плануецца стварэнне паркоўкі.

Фота: Руслан Кулевіч

Фота: Руслан Кулевіч

Фота: Руслан Кулевіч

Фота: Руслан Кулевіч

Фота: Руслан Кулевіч

Суседні дом № 5, вядомы як «дом Заменгофа», быў адноўлены некалькі гад таму, але дагэтуль аб’ект, які планаваўся як офісны будынак, амаль цалкам пустуе.

Даведка

Дом па вулiцы Кірава, 3 пабудавалі ў 1878 годзе. У 1894 годзе ў доме размяшчаўся штаб чацвёртага сапёрнага батальёна. У 1903 годзе тут пасялілася сям’я лекара Еўнiна. З 1926 уладальнiк дома Хаім Беластоцкі аддае яго пад склад і краму каланіяльнай прадукцыі, дзе гандлявалі кавай, гарбатай, спецыямі і вінамі. У пасляваенныя гады дом абсталявалі пад жыллё. Ужо ў ХХІ ст. будынак быў прызнаны непрыдатным для пражывання. У 2008 годзе людзей адсялiлi, а старую пабудову выставілі на аўкцыён.

Нужные услуги в нужный момент
20170622