Новости
Экспертиза
От застройщика
Аренда
Деньги
Интерьер, дизайн, ремонт
Офтоп
Сервисы
Каталог компаний
Кредиты на жильё
Вопрос-ответ
Форумы
реклама
реклама

Строительство


Ягор Марціновіч,

Фото с сайта fammeo.ru
Фото с сайта fammeo.ru
Сярэдняя цана прапановы квадратнага метра ў сталіцы Беларусі складае ўжо $1800 і неўзабаве можа дасягнуць дакрызіснага ўзроўню. У канцы 2007-га кватэры каштавалі 2000 долараў за метр.
 
Уладальнікі мінскага жылля радуюцца — штодня яны багацеюць на некалькі сотняў долараў.
 
Ці можна выкарыстаць гэты рост цэн і абмяняць мінскую кватэру на нерухомасць за мяжой? Абтэлефаноўваем агенцтвы адно за адным і чуем аднолькавы адказ: замежнікі мінскімі спальнымі раёнамі не цікавяцца. Таму рыэлтары прапануюць спачатку прадаць жыллё, а пасля шукаць апартаменты за мяжой.
 
За панэльную аднапакаёўку плошчай 30 квадратных метраў у Малінаўцы нам раяць ставіць цэннік як мінімум на ўзроўні 55 тысяч долараў. А калі побач з домам нарэшце адкрыюць метро, можна будзе смела накінуць яшчэ пару тысяч долараў, падказваюць рыэлтары.
 
Будзем лічыць, што 55 тысяч долараў (яны ж 42 тысячы еўра) у нас у кішэні. Што можна набыць за такія грошы ў іншых краінах?
 
Літва: купляе хто хоча

У віленскіх агенцтвах нерухомасці з гатоўнасцю высылаюць спіс кватэр на продаж. Квадратны метр у літоўскай сталіцы каштуе танней, чым у Мінску — каля 1500-1600 долараў. Гэта значыцца, нам пасуюць маленькія двухпакаёўкі.
 
Напрыклад, за кватэру плошчай 43 квадратных метра ў цагляным пяціпавярховіку былога завадскога інтэрната ў спальным раёне Жырмуны просяць 36 тысяч долараў. А за аднапакаёўку на 35 квадратных метраў за некалькі кіламетраў ад цэнтра — 53 тысячы.
 
У курортнай Паланзе за тыя ж грошы можна прыгледзець і невялікую трохпакаёўку — праўда, далекавата ад мора.
 
А вось дамы прадаюцца рэдка, бо замежнікам забараняецца купляць зямельныя ўчасткі.
 
У літоўскага жылля ёсць істотны мінус.
 
За камунальныя паслугі давядзецца плаціць істотна больш, чым у Беларусі, асабліва ўзімку. У халодныя месяцы квартплата ў аднапакаёвай хрушчоўцы можа дасягаць 1,5 мільёна рублёў.
 
Разам з тым ёсць і выгада.
 
Па-першае, гэта цана. Па-другое, магчымасць атрымаць шматразовую візу. Па-трэцяе, жыллё ў суседняй сталіцы можна разглядаць як магчымасць схавацца ад беларускіх праваахоўнікаў і падаткавікоў. Па такім шляху, як мяркуюць літоўскія СМІ, пайшлі многія беларускія бізнэсоўцы — нават уласнікі крам "Еўраопт". Некаторыя набываюць жыллё на будучыню дзецям.
 
А вось прэтэндаваць на від на жыхарства толькі праз валоданне нерухомасцю нельга.
 
Польшча: патрэбны дазвол

Прыехаўшы ў Польшчу нават са 100 тысячамі долараў у кішэні, проста так набыць катэдж з пляцам не ўдасца.
 
Замежнікам трэба атрымаць дазвол ад чыноўнікаў, а спачатку абгрунтаваць сваю сувязь з Польшчай і растлумачыць, навошта купляецца зямля. Выключэнне робіцца для тых, хто ўжо пражыў на тэрыторыі краіны больш за 5 гадоў альбо знаходзіцца ў шлюбе з грамадзянінам Польшчы.
 
Што датычыць кватэр, то іх можна купляць свабодна. Сярэдняя цана квадратнага метра ў Варшаве складае 2300 долараў.
 
Гэта значыць, на грошы ад мінскай аднапакаёўкі нічога не набудзеш. Ненашмат меншыя цэны і ў Кракаве.
 
У Беластоку за квадратны метр давядзецца заплаціць каля 1300 долараў — удасца купіць аднапакаёўку, але большую па плошчы, чым у Мінску.
 
Іспанія

Крызіс, які апанаваў іспанскі рынак нерухомасці, не дае спакою патэнцыйным інвестарам. Яшчэ б — кватэры і катэджы прадаюцца па мінімальных цэнах!
 
Іспанцы бралі крэдыты на жыллё, аднак многія з іх вярнуць грошы не змаглі. Давялося аддаваць жыллём. Цяпер банкі распрадаюць яго, каб хоць часткова кампенсаваць свае страты.
 
Ці можна паспець яшчэ штосьці ўхапіць са стала? Наўрад ці.
 
У продажы найбольш прадстаўлена ўцэненае курортнае жыллё, але яно ўсё адно дарагое. Цэны за вілы пачынаюцца ад 200 тысяч долараў. Здаваць у арэнду іх будзе складана, бо рынак і так перанасычаны. Дарэчы, каля 10% кошту жылля давядзецца аддаць у выглядзе падаткаў.
 
Выгадныя прапановы ў прыбярэжных гарадах. У Алікантэ пяцікапакаёўка плошчай 100 квадратных метраў прадаецца за 45 тысяч долараў. Праўда, да мора будзе далёка.
 
Разлічваць на дармавыя кватэры ў мегаполісах не варта. У Мадрыдзе і Барселоне квадратны метр нават у крызіс каштуе каля 4000 долараў.
 
Нерухомасць у Іспаніі застаецца для беларусаў прыгожай казкай, бо ў рэальнасці жыццё ў краіне даражэйшае, чым у Беларусі, а знайсці працу для мігранта неймаверна складана.
Паводле падлікаў іспанскіх статыстыкаў, сярод замежнікаў, якія летась набылі ў краіне больш за 100 аб’ектаў нерухомасці, беларусаў няма.
 
Залатая Масква

З нашых 80 тысяч долараў у маскоўскіх агенцтвах нерухомасці стрымана пасмяяліся.
 
"Самыя танныя аднапакаёўкі ў нашай базе каштуюць ад 160 тысяч. З вашай сумай мае сэнс прыгледзецца да Падмаскоўя. У Арэхаве-Зуеве, Серпухаве, Каломне — 100 км ад Масквы - можам падабраць вам аднапакаёўку плошчай 35-45 квадратных метраў", — прыйшоў адзін з адказаў.

Другие новости